TERBUTALINA

Terbutalina non parou de tocar e de medrar. A banda de Esteiro (Muros) ven de pasear o seu rock and roll polos principais festivais galegos como o Son Do Camiño ou o Son Rías Baixas entre outros, así coma festiváis de índole estatal coma o Fuzzville; lugares nos que compartiron cartel con nomes como Siniestro Total ou Manu Chao.


No 2014 conseguiron o “Premio ao Mellor Álbum en Galego” nos “Premios da Música Independente” co seu disco A MUERTE.

 

No 2015, dan o seu primeiro gran paso co lanzamento do álbum AL OTOMANO SE LE VA LA MANO, gravado por Tomás Ageitos nos estudios “A Ponte” e masterizado por Jim Diamond ( The White Stripes, The Sonics…).


Coa súa colaboración coa compañía teatral Chévere na obra “Eroski-Paraíso” conseguen o “Premio María Casares 2017” á “Mellor Música Orixinal”.

 

Terbutalina están de estreno. Neste 2019 verá a luz o seu novo Lp, gravado e producido nos estudios “A Ponte” por Tomás Ageitos. Un traballo no que os de Esteiro nos trasportan á Costa da Morte, ao son atlántico con coplas cheas de retranca. Así que non dubiden en embarcarse nesta aventura e seguir as próximas andadas da banda!

 

FACEBOOK TERBUTALINA
TWITTER TERBUTALINA
YOUTUBE TERBUTALINA